በኦሮሚያ ባለፉት 3 ቀናት በተካሄዱ ሰልፎች ከ32 ሚለየን ብር በላይና ከ2 ሺህ 500 በላይ በሬዎች ለመከላከያ ሰራዊት ተበርክተዋል

አዲስ አበባ፣ ሕዳር 6፣ 2013 (ኤፍ.ቢ.ሲ) በኦሮሚያ ክልል ባለፉት ሶስት ቀናት በተካሄዱ ሰልፎች ከ32 ሚለየን ብር በላይና ከ2 ሺህ 500 በላይ በሬዎች ለመከላከያ ሰራዊት መበርከታቸው ተገለፀ።

ባለፉት ሶስት ቀናት በኦሮሚያ ክልል 19 ዋና ዋና ከተሞች፣ በ18 ዞኖች 301 በላይ ወረዳዎች ህገ ወጡን የህወሓት ጁንታ የሚያወግዙ እና ለሀገር የመከላከያ ሰራዊትን ድጋፍን ለመግለፅ ሲደረጉ የነበሩ ሰልፎች ዛሬ ፍጻሜያቸውን አግኝተዋል። በክልሉ በሶስቱ ቀናት በተከታታይ የተደረጉት ሰልፎች በሙሉ ያለአንዳች የጸጥታ ችግር በሰላም መጠናቀቃቸውን በኦሮሚያ ክልል በምክትል ርእሰ መስተዳድር ማዕረግ የማህበራዊ ክላስተር አስተባባሪ አቶ አዲሱ አረጋ አስታውቀዋል። በሰልፎቹ ላይ ህዝቡ በራሱ ተነሳሽነት ለመከላከያ ሰራዊት የገንዘብ፣ ለእርድ የሚሆኑ እንስሳት በመስጠት እንዲሁም ደም በመለገስ ከፍተኛ ድጋፍ ማድረጉንም ገልፀዋል። በሶስሰቱ ቀናት ብቻ የክልሉ ህዝብ 32 ሚሊየን 153 ሺህ 766 ብር፣ 2 ሺህ 536 ሰንጋዎችን፣ 3 ሺህ 448 በጎችና ፍየሎችን፣ 30 ግመሎችን ለሀገር መከላከያ ሰራዊት ስንቅ እንዲሆን አበርክቷል።


ድጋፍ የማሰባሰብ ተግባሩንም አጠናክረው እንደሚቀጥሉ ቃል መግባታቸውንም አቶ አዲሱ ገልፀዋል። የተደረጉት ሰላማዊ ሰልፎች ያለምንም የጸጥታ ችግር እንዲጠናቀቁ ላደረጉት የጸጥታ ሃይሎች፣ ቄሮ እና ቀሬዎች እና ለክልሉ ነዋሪ በሙሉ በክልሉ መንግስት ስም ምስጋናቸውንም አቅርበዋል።

0 0 vote
Article Rating

You may also like...

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x