አቶ ደመቀ መኮንን ከእስራኤል የውጭ ጉዳይ ሚኒስትር ጋር ተወያዩ

አዲስ አበባ፣ ህዳር 4፣ 2013 (ኤፍ.ቢ.ሲ) የኢፌዴሪ ምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንን ከእስራኤል የውጭ ጉዳይ ሚኒስትር ጋቢ አሽክናዚ ጋር በኢትዮጵያ ወቅታዊ ጉዳይ ዙሪያ የስልክ ውይይት አድርገዋል፡፡

አቶ ደመቀ መንግስት በትግራይ ክልል እያካሄደ ስለሚገኘው የህግ ማስከበር ዘመቻ ለጋቢ አሽክናዚ ገለጻ አድርገውላቸዋል፡፡
የኢትዮጵያ መንግስት በሃገር ውስጥ የተረጋጋ ሰላምና ጸጥታ እንዲኖር ለማድረግ በትግራይ የመሸገውን አመጸኛ የህወሓት ቡድን ይዞ ለፍርድ ለማቅረብ ቁርጠኛ ሆኖ እየሰራ መሆኑንም ነው የገለጹት፡፡
እንዲሁም የታላቁ የህዳሴ ግድብ የሶስትዮሽ ድርድር በደቡብ አፍሪካ አደራዳሪነት እየተካሄደ እንደሚገኝ አንስተውላቸዋል፡፡
በተጨማሪም የእስራኤል መንግስት በኢትዮጵያ የተከሰተውን የበረሃ አንበጣ ለመከላከል ለኬሚካል መርጫ የሚሆኑ ሰው አልባ አውሮፕላኖችን በመስጠት እንዲሁም የባለሙያ ግብረ ኃይል በመላክ ላደረገው ድጋፍ አቶ ደመቀ ምስጋና አቅርበዋል፡፡

የእስራኤል የውጭ ጉዳይ ሚኒስትር ጋቢ አሽክናዚ በበኩላቸው የኢትዮጵያን ወቅታዊ ሁኔታ በቅርብ እየተከታተሉት እንደሚገኙ ገልጸዋል፡፡
የታላቁ የህዳሴ ግድብ የሶስትዮሽ ድርድርም ወደ ውጤት እንደሚደርስ እምነታቸው መሆኑንም ጠቅሰዋል።
አቶ ደመቀ መኮንን የውጭ ጉዳይ ሚኒስትር ሆነው በመሾማቸውም እንኳን ደስ አለዎት መልዕክት አስተላልፈዋል።
ኢትዮጵያና እስራኤል ያላቸውን ዘመናትን ያስቆጠረ ታሪካዊ የሁለትዮሽ ግንኙነት ወደ ላቀ ደረጃ ለማሸጋገር እንደሚሰሩ ሁለቱ ወገኖች በነበራቸው ውይይት መግባባት ላይ መድረሳቸውን ከውጭ ጉዳይ ሚኒስቴር ያገኘነው መረጃ ያመለክታል።

0 0 vote
Article Rating

You may also like...

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x