fbpx

ከስጋና ወተት ምርት 68 ሚሊዮን ዶላር ገቢ ተገኘ

Ethiopian Meet Production
Ethiopian Meet product gotta good profit
አዲስ አበባ ፣ ሰኔ 11 ፣ 2012 (ኤፍ.ቢ.ሲ) በ2012 በጀት ዓመት 11 ወራት ውስጥ ወደ ውጪ ከተላከ የስጋና ወተት ምርት 68ነጥብ 13 ሚሊዮን የአሜሪካ ዶላር ገቢ መገኘቱን ንግድና ኢንዱስትሪ ሚኒቴር አስታወቀ።  ሚኒስቴር መስሪያ ቤቱ የስጋና ወተት ኢንስቲትዩት የ2012 በጀት ዓመት የ11 ወራት የኤክስፖርት አፈፃፀምን በዘርፉ ከተሰማሩ ባለድርሻ አካላት ጋር ገምግሟል።  በዚህም በበጀት ዓመቱ 11 ወራት ከስጋና ወተት 113 ነጥብ 81 ሚሊየን ዶላር ገቢ ለማግኘት ታቅዶ 68ነጥብ 13 ሚሊዮን የአሜሪካን ዶላር ገቢ የተገኘ ሲሆን÷ ከበግና ፍየል ስጋ 61ነጥብ 31 ሚሊዮን ዶላር፣ ከዳልጋ ከብት 1ነጥብ 3 ሚሊዮን ዶላር፣ ከእንስሳት ተረፈ ምርት 2 ነጥብ 93 ሚሊዮን ዶላር እንዲሁም ከማር፣ ከሰም፣ ከዓሳ ምርት እና ከወተት 2 ነጥብ 60 ሚሊዮን ዶላር ገቢ መገኘቱ ተገልጿል። የስጋና ወተት ኢንዱስትሪ ልማት ኢንስቲቱት ምክትል ዋና ዳይሬክተር አቶ መኮንን ጋሹ ÷የእርድ እንስሳት አቅርቦት ጥራት ችግር፣ የእንስሳት ማቆያ እጥረት፣ የብድር አቅርቦት እጥረት፣ ህገ-ወጥ የቁም እንስሳት ንግድና የመብራት መቆራረጥ ምክንያት የተያዘውን እቅድ ሙሉ በሙሉ መፈጸም አልተቻለም ሲሉ ተናግረዋል። በንግድና ኢንዱስትሪ ሚኒስቴር የንግድ ማስፋፊያ ዘርፍ ሚኒስቴር ዴኤታ አምባሳደር ምስጋኑ አረጋ በበኩላቸው÷ ከሚፈለገው አካል ያለመድረስ እንጂ የአቅርቦት ችግር የለም ያሉ ሲሆን በአቅራቢዎችና በቄራዎች መካከል ቀጥተኛ ግንኙነት እንድኖርና የአቅርቦት ሰንሰለቱን ለማሳጠር እንሰራለን በማለት ተናግረዋል።
ዘርፉ አትራፊ ሆኖ አርብቶ አደሩ ተጠቃሚ የሚሆንበት አሰራር በመዘርጋት የኤክስፖርት ስታንዳርድ ዋጋ በማዘጋጀት ከዘርፉ የሚገኘውን ገቢ ለማሳደግ እንሰራለን ማለታቸውን ከንግድና ኢንዲስትሪ ሚኒስቴር ያገኘነው መረጃ ያመላክታል።
0 0 vote
Article Rating

You may also like...

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x